Technology | Nissan LEAF - Electric Family Car

Technology
Technology
- Nissan Leaf 2022
- Verð og búnaður

Technology

Áreiðanlegar tæknilausnir

Nissan Intelligent Mobility skilar þér betri tengingu, meira sjálfstrausti og aukinni stjórn á bílnum. Kerfið færir þér meðvitund um veginn framundan og kemur jafnvel til hjálpar þegar þörfin er mest². Með Nissan Intelligent Mobility verður streitan undir stýri í lágmarki og þannig getur þú einbeitt þér að veginum framundan. Upplifðu framtíðina – núna.

Njótu akstursins með ProPilot

SNJALL AKSTUR

Nissan Leaf interior dashboard with man - Propilote

Streita undir stýri heyrir sögunni til: Nissan ProPILOT [1] sér um það. Með einum hnappi sér kerfið um ýmis dagleg viðfangsefni, s.s. að elta næsta bíl fyrir framan og halda forstilltri fjarlægð, að stöðva og aka aftur af stað í takti við flæðið í umferðinni og að halda bílnum á miðri akreininni. Það virkar eins og viðbótaraugu sem fylgjast með öllu – og kemur þér til hjálpar þegar þörf er á.

Nissan Leaf interior dashboard with woman - Propilote park

Nissan Propilot Park

Hér eftir verður aldrei vesen að leggja í stæði. ProPILOT Park² er valbúnaður í Tekna-útfærslum sem mjakar þínum LEAF varlega inn í stæðið og stjórnar stýringunni, inngjöfinni og hemlunum. Kerfið finnur meira að segja sjálft laus stæði; þú þarft bara að velja gerð stæðisins, halla þér aftur og láta ProPILOT Park um að leysa málið.

AKSTUR MEÐ E-PEDAL-FÓTSTIGI

Þú stígur einfaldlega á Nissan e-Pedal-fótstigið til að gefa inn með snöggu afli og lyftir fætinum til að hægja ferðina aftur. Þú getur meira að segja haldið bílnum kyrrum í brekku án þess að snerta fótstigin. Hemlafótstigið er á sínum stað og skilar snarpri hemlun og algerri hugarró.

KRAFTMIKLIR AKSTURSEIGINLEIKAR MEÐ LÁGRI ÞYNGDARMIÐJU

Rafhlöðupakkinn er festur við gólfið og með því myndast lág þyngdarmiðja sem tryggir framúrskarandi og mjúka aksturseiginleika og lágmarkar velting Nissan LEAF í beygjum.

Eftirlitstækni fylgist með athygli ökumannsins

SJÁÐU MEIRA OG UPPLIFÐU MEIRA

Intelligent-umhverfismyndavélakerfi

Hvernig væri að reka bílinn aldrei aftur utan í gangstéttarbrúnina? Jafnvel þrengstu stæði verða leikur einn – fjórar myndavélar skila 360° loftmynd af Nissan LEAF, auk þess sem hægt er að velja nærmyndir á skiptum skjá af umhverfinu framan og aftan við bílinn og til hliðar við hann. Kerfið lætur auk þess vita ef hlutir eru á hreyfingu nálægt bílnum⁴.

Aksturstækni tryggir hnökralausan akstur

Á bakvið tjöldin í Nissan LEAF er að finna kynngimagnaða tækni sem vinnur gegn truflunum við hraðahindranir, beygjur og brekkur; tækni sem skilar mýkri, þægilegri og nákvæmari akstri í hverri ökuferð.

Árvökull ökumaður með aðstoð

Háljósin lækkuð tímabundið til að trufla ekki aðvífandi ökumenn og hvíldaráminning fyrir ökumanninn – Nissan LEAF státar af ótal Intelligent Mobility-eiginleikum sem geta gripið inn í og gert vegina þægilegri, ánægjulegri og öruggari fyrir alla. [2]

NissanConnect [3] – upplýsinga- og afþreyingarkerfi, hvert sem leiðin liggur

VERTU Í SAMBANDI

Tækni sem færir þér allan heiminn

Í Nissan LEAF sér Nissan Intelligent Mobility™ öllum í bílnum fyrir tengingu, upplýsingaflæði og afþreyingu. Þú getur skoðað stöðuna á dræginu, samstillt snjallsíma sem er samhæfður, tengt tónlistina þína, forritin og margt fleira.

NissanConnect-þjónustuforritið – Þú ræður ferðinni

NissanConnect-þjónustuforritið [4] er hannað fyrir Nissan LEAF og með því færðu aðgang að ótal eiginleikum rafbílsins. Viltu fínstilla þægindin í bílnum áður en þú ferð upp í hann? Viltu athuga hvaða drægi er tiltækt eða skoða núverandi hleðslustöðu? Þetta og margt fleira geturðu gert í forritinu.

APPLE CARPLAY® og ANDROID AUTO™

Ertu á leið á mannamót? Ertu að skoða heiminn? Með Siri® eða Google Maps™ til leiðsagnar og samþættingu við APPLE CARPLAY® og ANDROID AUTO™ [5] er öll þín afþreying innan seilingar.

CONNECTED SERVICES

Nissan Leaf - Apple car play and android auto

Stillanlegur skjár fyrir þig

TÆKNI SEM FRÆÐIR OG SKEMMTIR

1/5 - Kannaðu stöðuna á orkumæli og drægi

Láttu allar mikilvægar upplýsingar birtast á sama stað, s.s. um drægi, rafhlöðustöðu og orkunotkun.

2/5 – Hleðslutími

Hversu fullhlaðin er rafhlaðan? Auðlæsilegur skjárinn útvegar þér upplýsingar um það án tafar.

3/5 - Leiðsögukerfi

Sláðu inn áfangastaðinn og fáðu nákvæmar leiðsöguupplýsingar á skjáinn beint fyrir framan þig.

4/5 – Aksturstölva

Fylgstu vel með eknum kílómetrum, orkunotkun, meðalhraða og fleira.

5/5 – Orkusparnaður

Fylgstu með orkunotkuninni og dræginu til að vera meðvitaðri í akstrinum.

Taktu næsta skref

[1] ProPILOT er aðeins í boði í tilteknum gerðum bíla og aðeins í bílum með sjálfskiptingu. ProPILOT er framúrskarandi akstursaðstoðartækni, en getur ekki komið í veg fyrir árekstur. ProPILOT er ætlað til notkunar á þjóðvegum, með hendur á stýri og augun á veginum (þar sem gagnstæðar akreinar eru aðskildar með vegriðum). Ökumaður ber ábyrgð á að vera meðvitaður um umhverfi sitt, aka á löglegum hraða og á öruggan máta miðað við akstursaðstæður hverju sinni og geta tekið fulla stjórn á bílnum hvenær sem er.
[2] Ekki reiða þig eingöngu á aðstoðarkerfi fyrir ökumann. Hlutar búnaðarins virka hugsanlega ekki við allar aðstæður og skilyrði. Hraðatakmarkanir og aðrar takmarkanir eiga við. Upplýsingar um skilmála varðandi tækni Nissan fást hjá söluaðila Nissan eða á www.nissan.is/
[3] Tenging við farsíma til að hægt sé að nota NissanConnect skal eingöngu fara fram þegar bíllinn er kyrrstæður í öruggu bílastæði. Notkun kerfisins skal ávallt vera í samræmi við umferðarreglur. Ökumenn skulu eingöngu nota kerfið þegar aðstæður leyfa. Notendur skulu hafa í huga mögulega hættu á að handfrjáls búnaður dragi athyglina frá veginum og geti haft neikvæð áhrif á stjórn á bílnum.
[4] Þú þarft að vera með NissanConnect Services-notandareikning til að nota NissanConnect-þjónustu og þarft að skrá hann og þig inn á NissanConnect Services með notandanafni og aðgangsorði. Til að nota NissanConnect-þjónustuforritið, sem er í boði endurgjaldslaust, þarftu að eiga snjallsíma með samhæfu iOS- eða Android-stýrikerfi og SIM-korti með gagnaeiginleika, auk fyrirliggjandi eða nýrrar farsímaáskriftar hjá símafyrirtæki. Öll þjónusta er háð þjónustusvæði farsímakerfis.
[5] Apple CarPlay og Android Auto eru í boði án endurgjalds, allt eftir gerð og/eða útfærslu. Frekari upplýsingar fást hjá næsta söluaðila Nissan eða í síma 525 8000.